昨天跟朋友吃完晚飯回家，在樓下看到管理員跟一位 30 幾歲的女住客在爭論。
女住客：「咁唔記得密碼嘛！咁都唔幫手開開門。」
管理員：「管理公司規定唔可以再幫任何人包括住客開門，張通告都有寫啦！」管理員指著那張通告。
之後的事，我不知道，因為我已經入了升降機。
大廈設定密碼，目的是防止陌生人可以隨便進出大廈，減少罪案發生。如果管理員係唔係都幫人開門，咁大廈密碼設定根本就係「廢」。可能您會問：管理員日日都見到我，無理由認唔到我嘛！但管理員是否真的可以認到您呢？以我那座大廈為例，有 35 層，每層 18 個單位，一座大廈有 630 個單位，即是一座大廈最少有 630 人住。坦白說，管理員可能認得您，但係都未必認到第二個。
今天下午出街回家，我們在門口已看到管理員，管理員搖一搖頭，示意她不可以替我們開門（備註：我們當時沒有叫管理員開門）。
我們一入到大廈，管理員便說：「不好意思啊，我們現在不可以替人開門，除非您兩手拿著很多很多東西，或者是老人家及傷殘人仕，否則都不行。沒有辦法，已經出了資料，如果公司知道會被炒。」我跟媽媽便說：「沒關係，這是應該的。」
其實，您日日都進出大廈，沒有理由不記得密碼。大家都有責任減少罪案發生，記一記密碼，按一按密碼入大廈，不是一件很難的事吧！
管理員主動開門給您是人情，唔開門給您是道理。他們去安守自己的本份、責任，請不要為難他們吧！
首先，先介紹一下「小啡」。
原名：不詳
國籍：不詳
性別：女
年齡：3 個月
品種：牧羊
「小啡」被發現經過：細細佬 - Louis 係工作既地方見到有一個狗袋，上面有張紙條「請好心人收養」。打開個狗袋，有一隻好可愛既狗仔，Louis 見佢咁可憐，便帶佢回家。
「小啡」的命名由來：由於小啡係一隻啡色既牧羊，裝住佢嗰個狗袋係啡色，所以細細佬就叫佢「小啡」。
「小啡」的身體狀況：健康。根據狗袋裡的打針咭顯示，佢仲有一支針未打。
初初聽到細細佬話執到隻狗，想帶回屋企養，我第一個反應係：反對。
我喜歡動物，但養寵物就係另一回事。養寵物一定需要經過心思熟慮，覺得可以照顧到才可以的，因為佢係生命，唔係玩具。但細細佬話唔忍心，所以先帶回屋企，之後再帶佢去佢女朋友度暫住，因為屋企沒有任何既準備。（佢女朋友住村屋，再加上有養狗，所以我都放心。）
我放工一回家，小啡便即刻搖尾走埋我度，右聞聞，左聞聞，之後就走開左，食完飯後又同佢玩左一陣。我覺得佢同我哋都幾有「緣」，完全唔驚我哋，再加上佢又可愛，又識做 - 玩完就瞓左係我大腿度。我開始考慮會唔會收養佢？
因此，特別召開了一次家庭會議，相討怎樣處理小啡。其實我哋心裡都是可以收養小啡，但有些問題需要確實解決才可以。例如我哋屋企既環境係唔係適合？需要買些什麼東西準備？我哋既經濟是否可以？（其實沒有太大問題，但又要養車，又要養狗，我哋又唔想阿爸阿媽出錢，但只靠我哋三姊弟，的確有點吃力。）仲有其他等等既問題 ......
最後，跟阿爸阿媽再相討後，我哋決定收養小啡。我哋唔忍心把它放回原位，亦唔忍心送佢去愛護動物協會，因為直覺話比我聽，小啡會實死無生的。現在我哋要做的，就係要準備小啡所需要既物品，仲有學做一個狗主人，希望可以係下星期初接佢回家，等佢適應一下。
尋日係瀝源街市買生果去拜山時，見到隻懶洋洋既貓瞓左係到，我見幾可愛，咪打算同佢影張相。
點知我一攞起部電話，佢就鬼打咁精神望住我，直至我影完，放低部電話，佢就即刻回復原型 - 懶洋洋瞓係到。佢真係好專業，我相信佢已經習慣左，見慣晒！（但其實可能唔知我做咩事，拎住部電話對住佢，好奇咁望住我，仲想問我做咩添。）
講開貓，尋日我細佬同我講，原來我哋架車都幾受貓歡迎。我哋架車泊係屋村既停車場，可能個日泊車個位後面係有啲窿既，尋日攞車時，發現車頂同擋風玻璃有貓留低既腳印。我當然第一時間影相留低佢哋既罪證，嘻嘻！
但由於反光，再加上我只有電話既相機可以影既關係，所以其實唔係幾睇到。
另外，以下係我尋日影既相：
沙田瀝源村的天空
由粉嶺回程到沙田車外的天空
